இலங்கை தொலைத்தொடர்பு ஒழுங்கமைப்பு ஆணைக்குழுவினால் மன்னார் வலயத்தின் இலந்தை மோட்டை அரசினர் முஸ்லீம் கலவன் பாடசாலைக்கு பெறுமதிவாய்ந்த கணினித் தொகுதிகள் 10.02.2013 வியாழக்கிழமையன்று வழங்கப்பட்டன. இத்தொகுதியில் பின்வருவன உள்ளடங்குகின்றன.

உலக வங்கிப் பிரதிநிதிகள் 28.01.2013 திங்கட் கிழமையன்று மன்னார் வலயத்தின் இருபாடசாலைகளைத் தரிசித்தனர். இதன் போது அவர்களுடன் மாகாணக்கல்வித் திணைக்களத்தின் அதிகாரிகளும் இணைந்து மன்னார் வலயத்திலுள்ள அளவக்கை அ.த.க.பாடசாலையையும் நானாட்டான் மகாவித்தியாலயத்தையும் பார்வையிட்டனர்.

இவ்வருடம் க.பொ.த. சாதாரண தரப் பரீட்சைக்குத் தோற்றும் மாணவர்களில் தகவல் தொடர்பாடல் தொழில்நுட்பத்தைக் கற்கும் மாணவர்களுக்கான பரீட்சை வழிகாட்டல் செயலமர்வு மன்னார் வலயக்கல்வி அலுவலகத்தின் தகவல் தொடர்பாடல் பிரிவினால் ஒழுங்கமைக்கப்பட்டது. இச் செயலமர்வானது மன்னார் IDM நிறுவனத்தின் அனுசரனையுடன் 30.11.2012, 4.12.2012 ஆகிய தினங்களில் புனித சவேரியார் ஆண்கள் கல்லூரியில் நடைபெற்றது.

சர்வதேச ரீதியில் நடைபெற்ற 9வது சர்வதேச ஒலிம்பியாட் போட்டியில் மன்னார் புனித சவேரியார் ஆண்கள் கல்லூரி மாணவன் செல்வன் J. யூட் மிதுஷன் பிகிராடோ வெண்கலப்பதக்கம் வென்றார்.

இலங்கை , இந்தியா, சீனா, இந்தோனேசியா, ஈரான், மலேசியா, நேபாளம், பிலிப்பைன்ஸ், சிங்கப்பூர், தென்ஆபிரிக்கா, கொரியா, தாய்வான் போன்ற நாடுகளுக்கிடையில் சர்வதேச ரீதியில் நடைபெறும் ஒலிம்பியாட் போட்டியின் 9வது சர்வதேசப்போட்டியானது ஒக்டோபர் 29 தொடக்கம் நவம்பர் 1ம் திகதிவரை இந்தியத்தலைநகர் புதுடில்லியில் நடைபெற்றது. இலங்கையைப் பிரதிநிதித்துவப்படுத்தி இப் போட்டியில் பங்குபற்றிய செல்வன் மிதுஷன் பிகிராடோ இதில் வெண்கலப்பதக்கம் வென்றார்.

மன்னார் வலயக்கல்வி அலுவலகத்தில் 24.10.2012 புதன் கிழமையன்று வாணிவிழா நிகழ்வு நடைபெற்றது. ஆண்டு தோறும் நடைபெற்றுவருகின்ற வாணிவிழாவானது இவ்வருடமும் மிகச் சிறப்பாக வலயக்கல்வி அலுவலகத்தின் முகாமைத்துவ மண்டபத்தில் நடைபெற்றது. காலை 9.00 மணிக்கு ஆரம்பித்த இந்நிகழ்வு 11.00 மணிவரை நடைபெற்றது.

க.பொ.த உயர்தர மாணவர்களுக்கு நடாத்தப்படும் பொதுத்தகவல் தொழில்நுட்ப பரீட்சை நாடளாவிய ரீதியில் 21.10.2012 அன்று நடைபெற்றது. இப்பரிட்சைக்கு மாணவர்களைத் தயார்ப்படுத்தும் செயலமர்வு மன்னார் வலயக்கல்வி அலுவலகத்தில் தகவல் தொடர்பாடல் தொழில்நுட்பப் பிரிவினால் இம்மாதம் 15, 16, 17, 18, 19 ஆகிய திகதிகளில் பின்வரும் நிலையங்களில் நடைபெற்றது.